Beynəlxalq Bankın sabiq rəhbəri, hazırda həbsdə olan Cahangir Hacıyevin Nardaranda baş verən hadisələrə görə həbs edilən şəxslərin cinayət işi üzrə davam edən məhkəmə prosesinə gətirilməsi tələb olunub.

Musavat.com xəbər verir ki, bu gün "Nardaran işi" ilə bağlı Bakı Ağır Cinayətlər Məhkəməsində baş tutan növbəti məhkəmə prosesində təqsirləndirilənlərdən Abbas Hüseynovun vəkili Yalçın İmanov vəsatətlə çıxış edib.

Vəkil bildirib ki, Abbas Hüseynov Baş Mütəşəkkil Cinayətkarlığa qarşı Mübarizə İdarəsində saxlanılarkən təzyiqlərə və işgəncələrə məruz qalıb. Həmin ərəfədə Cahangir Hacıyev də orada saxlanılırmış və o, baş verənlərə şahidlik edib.

Məhkəmə vəsatəti baxılmamış saxlayıb.

Xatırladaq ki, ötən ilin noyabrında Nardaranda polis və dindarlar arasında baş veərn silahlı qarşıdurçada 2-si poli əməkdaşı olmaqla 6 nəfər dqnyasımı dyişmişdi. Hadisə zamanı "Müsəlman Birliyi" Hərəkatının lideri Taleh Bağırov və 16 nəfər həbs edilmişdi.

Cahangir Hacıyev isə "Beynəlxalq Bank işi" əməliyyatı zamanı həbs edilmiş, milyonlarla dolların mənimsənilməsimdə təqsirli bilinərək 17 il müddətinə azadlıqdan məhrum edilib.