Trampın layneri az qala hərbi uçaqla toqquşacaqmış! - KİV
11-04-2017, 09:01
Amerika Bişləşmiş Ştatlarının (ABŞ) Prezidenti Donald Trampın təyyarəsi az qala hərbi təyyarə ilə toqquşacaqmış.
«Amerikanın səsi» radiosunun məlumatına görə, ABŞ Prezidenti Floridadan Vaşinqtona qayıdarkən, ABŞ hərbi-hava qüvvələrinə (HHQ) məxsus bir təyyarə onun uçduğu laynerə təhlükəli məsafəyə qədər yaxınlaşıb.
Prezident layneri HHQ-nin Merilenddəki «Endryüs» bazasına enməyə hazırlaşan zaman S-17 Globemaster hərbi-nəqliyyat təyyarəsi havada peyda olub. Yaxınlaşma anında iki təyyarə arasında məsafə təxminən, 300 metr təşkil edib.
Xəbərdə qeyd olunur ki, Prezident təyyarəsinin ekipajı kursu operativ olaraq dəyişib və hər-hansı təhlükədən yayınmaq mümkün olub.
«The Hill» nəşri isə yazır ki, Prezident təyyarəsinin kursunu dəyişməyə ehtiyac olmayıb: «1 nömrəli göyərtənin ekipajı heç bir yayınma cəhdi göstərməyib, çünki hər-hansı təhlükə əlaməti olmayıb».
