Filippin prezidenti Rodriqo Duterte bildirib ki, ölkənin cənubunda yerləşən Mindanao əyalətindəki hərbi vəziyyət bir il davam edə bilər.
"Report" RİA "Novosti"yə istinadən xəbər verir ki, bu barədə "Frans Press" məlumat yayıb.
Duterte çərşənbə günü axşam ordunun İŞİD-i dəstəkləyən qruplaşma ilə silahlı toqquşmasından sonra ölkənin cənubunda hərbi vəziyyət rejimi tətbiq edib.
O, Rusiya lideri Vladimir Putin ilə görüşünün əvvəlində toqquşmalar səbəbindən Filippinə qayıtmalı olduğunu bildirib.