Xəzər rayonunda ağır yol qəzası baş verib.

Yenicag.az xəbər verir ki, Firuz Orucov idarə etdiyi Mercedes markalı avtomobillə yolu keçmək istəyən qadın piyadanı vurub. Sürücü hadisə yerinə təcili tibbi yardım briqadası çağırıb.

Hadisə yerinə gələn tibb əməkdaşları piyadanın öldüyünü bildiriblər. Qəza yerinə müstəntiq gəlib. Müayinələr aparılıb ölçülər götürülüb. Meyid müayinə olunması üçün Məhkəmə tibbi ekspertiza və pataloji anatomiya birliyinin Xəzər rayon şöbəsinə aparılıb. Avtomobil cərimə meydançasına yerləşdirilib.

Faktla əlaqədar cinayət işi başlanılıb.