Salyan rayonunda piyadanın vurulması ilə nəticələnən yol qəzası baş verib.
“Report”un Aran bürosu xəbər verir ki, hadisə Ələt-Astara magistralında Bayraq meydanı yaxınlığında qeydə alınıb.
Belə ki, rayonun Aşağı Noxudlu kənd sakini, 31 yaşlı Röyal Rafət oğlu Kazımov yolu keçmək istəyən zaman “Mersedes” markalı avtomobil onu vurub. Müxtəlif dərəcəli ağır bədən xəsarəti alan yaralı Salyan Mərkəzi Rayon Xəstəxanasına çatdırılıb. Xəstəxanada yaralıya ilk tibbi yardım göstərildikdən sonra o, reanimasiya şöbəsinə yerləşdirilib.
R.Kazımovun vəziyyətinin ağır olduğu bildirilir.
Faktla bağlı araşdırma aparılır.