Naməlum şəxs ABŞ-ın Kaliforniya ştatının Santa-Monika şəhərindəki parkda atəş açıb.

"Report" "TASS"a istinadən xəbər verir ki, bu barədə "ABC" telekanalının yerli filialı polisə istinaadən məlumat yayıb.

Məlumatda bildirilir ki, hadisə zamanı 1 nəfər öldürülüb. Hadisə yerinə gələn asayiş keşikçiləri atəş açan şəxsi müəyyən ediblər. Şübhəli şəxs saxlanılma zamanı hüquq-mühafizə orqanlarının əməkdaşlarına müqavimət göstərib. O, odlu silahdan açılan atəşlə yaralanıb və xəstəxanaya yerləşdirilib.

İnsidentin digər təfərrüatları barədə məlumat verilmir. Polis əməkdaşları hadisə şahidlərinin ifadələrini alır.