Gələcəkdə insanların sonsuza kimi yaşaya bilməsi üçün müxtəlif yollar tapılacaq.

Axar.az xəbər verir ki, bu sözləri ABŞ-ın Sinqulariti Universitetinin qurucusu Xose Luis Kordeiro deyib.

O bildirib ki, 20-30 ildən sonra insanları gəncləşdirən texnoloji imkanlar inkişaf etdiriləcək:

“Vücudumuzun sağlam olmasını təmin edərək daha çox yaşaya bilərik. Lakin əsas hədəfimiz insanın ölümsüz yaşaya bilməsidir. Bundan əlavə, insanlar gələcəkdə telepatiya yolu ilə bir-biriləriylə əlaqə quracaq. Yəni bir beyin digər beyinlə əlaqəyə girəcək”.

Alim gələcəkdə süni intellektin də insan zəkası səviyyəsinə çatacağını və hətta onu üstələyəcəyini istisna etməyib.