İtaliyada 40 yaşlı bir qadın qeyri-adi nikah kəsdirib. O, özü-özüylə evlənib.

Moderator.az xəbər verir ki, İtaliyanın Lissona qəsəbəsində idman zalında təlimatçı işləyən 40 yaşlı Laura Mesinin bu addımı ölkədə maraqla qarşlanıb və ona “yalqız gəlin” adı verilib.

Laura qeyri-adi nikaha ümumilikdə 10 min avro xərcləyib və mərasimə 70 nəfəri də dəvət edib.
O, mərasim zamanı bəylə gəlinin birgə etməli olduğu adətləri- tort kəsmək, şampan içmək, şərab paylamaq və gül atmaq kimi işləri təkbaşına görüb.

Laura hamını heyrətləndirən qeyri-adi nikahdan sonra təkbaşına “balayına” da çıxıb. O, mətbuata açıqlamasında ürəyincə olan əks cins nümayəndəsini tapmadığı üçün bu qərarı verdiyini bildirib.