Dəməşqin atəşə tutulması nəticəsində 4 nəfər ölüb, 22 nəfər yaralanıb
7-04-2018, 08:28
Suriyada fəaliyyət göstərən “Ceyş əl-İslam” qruplaşmasının silahlıları paytaxt Dəməşq yaxınlığını raket atəşinə tutub.
APA-nın RİA Novosti agentliyinə istinadən verdiyi məlumata görə, hadisə nəticəsində 4 nəfər ölüb, 22 nəfər yaralanıb.
Bundan əvvəl yaşayış məhəllələrinə düşən mərmilər 2 nəfərin həyatına son qoyub, 15 nəfər yaralanıb.
Qeyd edək ki, ötən gün Dəməşqdə minalanmış avtomobilin partladılması nəticəsində 1 dinc sakin ölüb, 6-sı yaralanıb.
