Yəməndə hava zərbələri qurbanlarının sayı 52-ə çatıb
3-08-2018, 07:23
Yəmənin Hodeyd şəhərində xəstəxanaya endirilən hava zərbələri nəticəsində ölənlərin sayı 52-yə çatıb.
Trend-in məlumatına görə, bunu vilayətin Səhiyyə İdarəsinin başçısı Əbdürrəhman əl-Caralla bildirib. Hava zərbələri başda Səudiyyə Ərəbistanı olmaqla ərəb koalisiyası tərəfindən endirilib.
Daha 100 nəfərin yaralandığı qeyd olunur. Əl-Carallanın sözlərinə görə, yaralananların çoxusunun vəziyyəti ağırdır: "Bombalama qurbanlarının sayı xeyli arta bilər".
