İrlandiyanın paytaxtı Dublində 2020-ci ildə keçiriləcək futbol üzrə Avropa çempionatının seçmə mərhələsinin püşkü atılıb.

Teref.az xəbər verir ki, Qurban Qurbanovun baş məşqçisi olduğu millimiz E qrupunda mübarizə aparacaq.

Beləliklə, rəqiblərimiz son dünya çempionatının finalçısı Xorvatiya, Uels, Slovakiya və Macarıstan olacaq.

Qeyd edək ki, püşkatmaya görə millimiz D qrupuna düşsə də, orada Azərbaycan kimi, AVRO-2020-nin təşkilatçılarından Danimarka olduğu üçün komandamız E qrupuna salınıb.

A qrupu – İngiltərə, Çexiya, Bolqarıstan, Monteneqro, Kosovo

B qrupu – Portuqaliya, Ukrayna, Serbiya, Litva, Lüksemburq

C qrupu – Hollandiya, Almaniya, Şimali İrlandiya, Estoniya, Belarus

D qrupu – İsveçrə, Danimarka, İrlandiya, Gürcüstan, Cəbəllütariq

E qrupu – Xorvatiya, Uels, Slovakiya, Macarıstan, AZƏRBAYCAN

F qrupu – İspaniya, İsveç, Norveç, Rumıniya, Farer adaları, Malta

G qrupu – Polşa, Avstriya, İsrail, Sloveniya, Makedoniya, Latviya

H qrupu – Fransa, İslandiya, Türkiyə, Albaniya, Moldova, Andorra

I qrupu – Belçika, Rusiya, Şotlandiya, Kipr, Qazaxıstan, San Marino

J qrupu – İtaliya, Bosniya və Herseqovina, Finlandiya, Yunanıstan, Ermənistan, Lixtenşteyn