"Barselona" "Sevilya"nı darmadağın edərək İspaniya Kubokunun yarımfinalına çıxıb
31-01-2019, 07:45
"Barselona" futbol klubu İspaniyanın kubokunun 1/4 finalının cavab matçında "Sevilya"nı qəbul edib.
"Report" xəbər verir ki, qarşılaşma Kataloniya paytaxtında, "Kamp Nou" stadionunda baş tutub və meydan sahiblərinin 6:1 hesablı qələbəsi ilə başa çatıb.
Meydan sahiblərinin heyətində İvan Rakitiç, Serxi Roberto, Luis Suares, Lionel Messi və Filipp Koutino (iki dəfə) fərqləniblər. "Sevilya"nın" yeganə qolunu Qilerme Aran vurub.
Qeyd edək ki, birinci matçda "Sevilya" öz meydanında "Barselona"ya 2:0 hesabı ilə qalib gəlib. Beləliklə, iki görüşün nəticəsinə uyğun olaraq Katalon klubu İspaniya Kubokunun yarımfinalına çıxıb.
"Barselona" turnirdə qələbələrin sayına görə (30 qələbə) liderdir. Bu göstərici üzrə ikinci yerdə "Atletik" (23 qələbə), üçüncü yerdə isə "Real" (19 qələbə) qərarlaşıb.
Xatırladaq ki, Amsterdamın "Ayaks" klubunun yarımmüdafiəçisi Frenki de Yonq karyerasını İspaniyanın "Barselona" komandasında davam etdirəcək.