Ağdamın "Qarabağ" klubu UEFA Avropa Liqasının qrup mərhələsindəki ilk qarşılaşmasındakı çıxışında ümidləri doğrultmayıb

UEFA Avropa Liqasında qrup mərhələsinə start verilib.

Sputnik Azərbaycan-ın məlumatına görə, Azərbaycanın "Qarabağ" klubu bu gün ilk oyununa çıxıb.

"Qarabağ" Tofiq Bəhramov adına Respublika Stadionunda İspaniyanın "Sevilya" komandasını qəbul edib. Görüşün ilk yarısında qapılara top vurulmayıb - 0:0.

İkinci hissədə "Sevilya" hesabı açıb. 62-ci dəqiqədə Ernandes fərqlənib - 0:1. 78-ci dəqiqədə Munir hesab arasındakı fərqi artırıb - 0:2. 85-ci dəqiqədə isə Oliver Torres hesabı biabırçı həddə çatdırıb - 0:3.

Oyun bu hesabla başa çatıb.