İspaniya La Liqasında VII tur başa çatıb.

APA-nın məlumatına görə, turun 3 qarşılaşması baş tutub.

Avropa Liqasında “Qarabağ”ın rəqibi olan “Sevilya” autsayderlərdən biri “Eybar”a da uduzub – 2:3. Bakıda Azərbaycan çempionuna üç cavabsız qol vuran Xulen Lopeteqinin yetirmələri həmin qələbədən sonra xal qazana bilmirlər. “Eybar” isə ilk qələbəsinə Əndəlüs təmsilçisi ilə matçda imza atıb.

“Real-Sosyedad” “Alaves”i məğlub edərək 2-ci sıraya qalxıb. “Espanyol”la “Selta”nın duelində qalib müəyyənləşməyib.

Qeyd edək ki, növbəti tura sentyabrın 27-də start veriləcək.

İspaniya La Liqası
VI tur
26 sentyabr
“Eybar” – “Sevilya” – 3:2
Orelyana, 66 (pen.), Leon, 77, Anxel, 82 – Okampos, 11, Torres, 33
“Selta” – Espanyol” – 1:1
Mina, 90 – Pedrosa, 48
“Real-Sosyedad” – “Alaves” – 3:0
Oyarzabal, 18, 41 (pen.), Xese, 32