Azərbaycanın daha bir atleti Qətərin paytaxtı Dohada keçirilən dünya çempionatında final mərhələsinə yüksəlib.

APA-nın məlumatına görə, atletikanın çəkicatma növündə Anna Skidanın ardınca üçtəkanla tullanmada Aleks Kopello da təsnifat mərhələsini uğurla başa vurub.

Milliləşdirilmiş legioner 16,95 m nəticə göstərib və sentyabrın 29-da baş tutacaq final mərhələsinə yüksəlib.

Ondan fərqli, Nazim Babayevin cəhdi uğursuz olub. 16,65 m nəticə göstərən atlet 19-cu yeri tutub və mərhələ adlayan 12 idmançı arasında yer ala bilməyib.

Qeyd edək ki, dünya çempionatının son günündə - oktyabrın 6-da digər milli üzvü Evans Kiplaqat marafon yarışında mübarizə aparacaq.