İspaniya La Liqasında XXI tur davam edir.

Apasport.az saytının məlumatına görə, azarkeşlər bu gün 4 qarşılaşmaya şahidlik ediblər.

Avropa Liqasına vəsiqəni hədəfləyən "Atletik" Barselonada autsayder "Espanyol"la bərabərə qalaraq, 2 xal itirib.

Günün ən maraqlı matçı Valensiyada eyniadlı komanda ilə "Barselona" arasında keçirilib. Yeni baş məşqçi Kike Setyenin rəhbərliyi altında çempionatda ikinci oyununa çıxan "Barselona" ilk məğlubiyyətini alıb. "Valensiya" qalibiyyət sayəsində ilk "dördlük"dəki komandalara yaxınlaşıbsa, "Barselona" liderliyi əldən vermək təhlükəsi ilə üzləşib.

"Vilyarreal" "Alaves" səfərində qələbəni son dəqiqələrdə vurduğu qol sayəsində əldə edib. "Sevilya" isə "Qranada"nı məğlub edərək, "Barselona" ilə aradakı xal fərqini 5-ə endirib.

İspaniya La Liqası
XXI tur
25 yanvar
"Espanyol" - "Atletik" - 1:1
De Tomas, 63 - Villalibre, 12
"Valensiya" - "Barselona" - 2:0
Alba, 48 (avtoqol); Maksi Qomes, 77
"Alaves" - "Vilyarreal" - 1:2
Jozelu, 80 - Bakka, 10; Nino, 89
"Sevilya" - "Qranada" - 2:0
Luk de Yonq, 11; Nolito, 34