İspaniya La Liqasının 27-ci turunun matçında Katalon "Barselona”sı "Real Sosedad"ı qəbul edib.

“Report” xəbər verir ki, Barselonada baş tutan qarşılaşma meydan sahiblərinin 1:0 hesablı qələbəsi ilə başa çatıb.

Qarşılaşmada yeganə qolu 81-ci dəqiqədə Lionel Messi penaltidən vurub. Bu, onun İspaniya çempionatındakı karyerasında 55-ci qolu olub. Argentinalı hücumçu bu göstərici ilə turnir tarixində üçüncü yeri tutur.

Penaltidən vurulan qolların sayna görə, ikinci yeri 1981-ci ildən 1992-ci ilə qədər “Atletiko” və “Real Madrid”də və 1993/1994-cü illər mövsümündə “Real Sosedad”da oynamış Uqo Sançes tutur. O, 56 penaltini qola çevirib.

İspaniya çempionatında bu göstərici üzrə lider Kriştianu Ronaldudur. O, 61 penaltini dəqiq yerinə yetirib.