Qalatasarayın keçmiş futbolçusu Droqba xəstəxanasını COVID-19 mərkəzi olaraq dövlətin xidmətinə verib.

24 Media-nın "Euronews"a istinadən verdiyi xəbərə görə, Fil Dişi Sahilli Qalatasarayın keçmiş oyunçusu Didye Droqba özəl xəstəxanasını ölkənin ən böyük şəhəri olan Abidcan şəhərinin yeni tip koronavirusla mübarizədə istifadəsi üçün verib.

Abidcan Bələdiyyə Başçısı Vinsent Toh Bi Irie bu vətənpərvərliyinə görə Droqbaya təşəkkür edib və xəstəxananın koronavirusla mübarizədə istifadə ediləcəyini bildirib.

Qeyd edək ki, ölkədə ilk yoluxma halına martın 11-də rast gəlinib. Bugünədək ölkədə 584 nəfər koronavirusa yoluxub və onlardan 85-i sağalıb, 5-i isə həyatını itirib.