Paraqvayın “Olimpiya” klubunun futbolçusu Emmanuel Adebayor ölkəsi Toqoda yardım aksiyasına qoşulmaması barədə danışıb.

Cebhe.info xəbər verir ki, "Facebook" vasitəsilə canlı yayım edən 36 yaşlı hücumçu yardımlara bundan sonra da qoşulmayacağını söyləyib:

“Məni Eto’O və Droqba ilə müqayisə edib niyə xeyriyyə fondu qurmadığımı, yardım etmədiyimi soruşanlar üçün sadəcə təəssüf hissi keçirirəm. Amma mən onlar deyiləm. Mən Emmanuel Adebayoram və hər zaman istədiyimi edəcəyəm. Ölkəyə koronavirusu mən gətirməmişəm, yardım da etməyəcəyəm".

Qeyd edək ki, Emmanuel Adebayor "Arsenal", "Mançester Siti", "Real" kimi klublarda çıxış edib.