İspaniya və Portuqaliya 2030-cu ildə keçiriləcək dünya çempionatının ev sahibliyi üçün ortaq təklif barədə razılıq əldə edib.

Apasport.az xəbər verir ki, bu barədə İspaniya Kral Futbol Federasiyası (RFEF) rəsmi saytı vasitəsilə məlumat yayıb.

RFEF-in prezidenti Luis Rubiales və portuqaliyalı həmkarı Fernando Qomeş iki ölkədə futbolun inkişafı yönündə əməkdaşlıq müqaviləsi imzalayıb. Rubiales DÇ-2030-a Portuqaliya ilə birlikdə təşkilatçılıq etmək qərarına gəldiklərini və birgə layihələrə imza atacaqlarını söyləyib.

Qeyd edək ki, sonuncu dəfə İspaniyada DÇ-1982, Portuqaliyada isə AVRO-2004 keçirilib.