Avroliqa: "Qarabağ" - "Makkabi" oyunu başladı

3-12-2020, 22:19           
Avroliqa: "Qarabağ" - "Makkabi" oyunu başladı
UEFA Avropa Liqasının qrup mərhələsinin V turunda "Qarabağ" və İsrailin "Makkabi" (Tel-Əviv) komandası arasında keçirilən oyun start götürüb.

Virtualaz.org xatırladır ki, Ağdam klubu Azərbaycandakı hərbi vəziyyət rejimi ilə bağlı rəqibini Türkiyənin İstanbul şəhərindəki "Başakşehir Fatih Terim" stadionunda qəbul edir.

**21:35

Bu gün saat 21:55-də futbol üzrə UEFA Avropa Liqasının qrup mərhələsi çərçivəsində Ağdamın “Qarabağ” klubu İsrailin “Makkabi” komandası ilə qarşılaşacaq.

Virtualaz.org bildirir ki, "Başakşəhər Fatih Terim" stadionunda keçiriləcək oyun üçün komandaların start heyəti açıqlanıb.

“Qarabağ”ın start heyətində Şahruddin Məhəmmədəliyev, Qara Qarayev, Kevin Medina, Elvin Cəfərquliyev, Vild-Donald Gerye, Uroş Matiç, İsmayıl İbrahimli, Filip Ozobiç, Ovusu Kvabena, Xayme Romero və Abdullah Zubir yer alıblar.

“Makkabi”nin ilk onbirliyində isə meydana Daniel Tenenbaum, Maor Kandil, Eytan Tibi, Şeran Yeni, Enrik Saborit, Ofir Davidzade, Eyal Qolasa, Dor Perec, Dan Qlazer, Yonaran Koen və Etey Şaxtor çıxacaqlar.

Qarşılaşmanı İrlandiyadan olan hakimlər briqadasına həvalə edilib. Oyunun baş hakimi referi Robert Hennessi olacaq. Ona həmyerliləri Allen Linç və Emmet Dinan köməklik edəcəklər. Dördüncü hakim funksiyasını Pol Maklaflin yerinə yetirəcək.

Hakim-inspektor Serbiyadan Deyan Filipoviç, UEFA nümayəndəsi isə Rumıniyadan Oktavian Qoqadır.

Azərbaycan çempionu matça ciddi itkilərlə çıxacaq. Komandanın ən böyük çatışmazlığı baş məşqçi Qurban Qurbanovun texniki zonada yer almaması olacaq. Qırx səkkiz yaşlı mütəxəssis koronavirusa yoluxduğu üçün Türkiyəyə getməyib. Mahir Emreli, Maksim Medvedev və Abbas Hüseynov da eyni səbəbdən oyunda iştirak edə bilməyəcəklər. Həmçinin milli komandanın düşərgəsindən qayıtdıqdan sonra koronavirus testinin nəticəsi pozitiv çıxan Musa Qurbanlının son iki testi neqativ nəticələnsə də, futbolçu məşqlərdən uzaq olduğu üçün heyətdə yer almayıb. Bədavi Hüseynov və Patrik Andrade isə zədə üzündən matçı buraxmalı olacaqlar. Əvəzində koronavirusdan sağalmış Rahil Məmmədov kollektivə qoşulub.

Bu oyun qrupda heç bir iddiası qalmayan Azərbaycan çempionu üçün formal xarakter daşıyacaq. Lakin matçın nəticəsi ikinci yer uğrunda mübarizə aparan “Makkabi” və Türkiyənin “Sivasspor” klubları üçün əhəmiyyət daşıyır.

Onu da qeyd edək ki, hazırda I qrupa 10 xalla İspaniyanın “Vilyarreal” komandası başçılıq edir. Təl-Əviv təmsilçisi 7 xalla ikinci, “Sivasspor” klubu isə 6 xalla üçüncü sırada qərarlaşıb. “Qarabağ” isə bütün görüşlərdə uduzub.шаблоны для dle 11.2












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.