"Atalanta" İtaliya futbol çempionatının 33-cü turunun oyununda "Bolonya" üzərində 5:0 hesabı ilə böyükhesablı qələbə qazandı.

Trend xəbər verir ki, qolları Ruslan Malinovski (22-ci dəqiqə), Luis Muriel (44), Remo Freyler (57), Duvan Sapata (59) və Aleksey Mirançuk (73) vurublar.

Turnir cədvəlində "Atalanta" 68 xalla ikincidir. Üçüncü sırada 33-cü tur matçını bu gün səfərdə "Latzio"ya qarşı keçirəcək və 66 xalı olan "Milan"dır. "Bolonya" 38 xalla 12-ci yerdədir.

Növbəti turda "Atalanta" mayın 2-də "Sassuolo" ilə oynayacaq, "Bolonya" isə həmin gün "Fiorentina"nı qəbul edəcək.

Oyun gününün digər nəticələri:

“Benevento” - “Udineze” - 2:4;

"İnter" - "Verona" - 1:0;

"Fiorentina" - "Yuventus" - 1: 1;

“Kalyari” - “Roma” - 3:2.