"Neftçi" darmadağınla qalib gəlib, "Qarabağ"a çatdı
3-05-2021, 22:03
Futbol üzrə Azərbaycan Premyer Liqasında XXV tura start verilib.
Axar.az xəbər verir ki, "Keşlə" öz meydanında "Neftçi"ni qəbul edib. Görüş qonaqların 3-0 hesablı qələbəsi ilə yekunlaşıb.
İlk qolu "Keşlə"nin heyətində Tərlan Quliyev 38-ci dəqiqədə öz qapısına vurub. 74-cü dəqiqədə "ağ-qaralar"ın tanınmış futbolçusu Keysuke Honda fərqi iki topa çatdırıb. Matçda son nöqtəni isə görüşün əsas vaxtına əlavə olunmuş 2-ci dəqiqədə flaqmanın kapitanı Emin Mahmudov qoyub.
Bu nəticədən sonra xallarının sayını 50-ə çatdıran "Neftçi" bir günlük də olsa, lider "Qarabağ"a çatıb.
