Britaniya hökuməti “Çelsi” klubuna sərt qadağalar qoyub.

Redaktor.az xəbər verir ki, buna səbəb Rusiya ilə Ukrayna arasında yaşanan hərbi gərginliklə bağlı klubun rusiyalı iş adamı Roman Abramoviçə sanksiyalar tətbiq edilməsidir.

Klubun satışına icazə verməyən hökumət bütün maddi fəaliyyəti dondurmaq qərarına gəlib. “Zadəganlar”a qoyulan qadağalar bunlardır:

- Futbolçu satmaq, almaq və ya icarəyə vermək olmaz.
- Futbolçularla və işçilərlə yeni müqavilə imzalanmayacaq.
- Ev və səfər matçları üçün bilet satışı gerçəkləşməyəcək. Yalnız abunə kartı olanlar oyunlara buraxılacaq.
- Stadion və ya məşq meydançalarında təmir, yenidənqurma işləri aparılmayacaq, hansısa satış həyata keçirilməyəcək.

Qeyd edək ki, Roman Abramoviç “Çelsi”ni 2003-cü ildə 140 milyon funt sterlinqə alıb.