Milli komandamızın hücumçusu Mahir Emreli “Dinamo”nun (Zaqreb) heyətində Xorvatiya Liqasında növbəti oyununu keçirib.

25 yaşlı hücumçu XXVII turun “Hayduk”a qarşı prinsipial matçında meydana çıxıb.

Split şəhərindəki “Polyud” stadionunda təşkil olunmuş qarşılaşma bərabərliklə yekunlaşıb - 0:0.

Matça start heyətində başlayan Emrelinin 41-ci dəqiqədə fərqlənmək üçün yaxşı şansı olsa da, başla zərbəsi dəqiq alınmayıb. O, 56-cı dəqiqədə əvəzlənərək, yerini komanda yoldaşı Marko Toliçə verib.

Bu nəticədən sonra xalını 54-ə çatdıran “Dinamo” liderliyini qoruyub. “Hayduk” isə 49 xalla 4-cü yerdə gedir.