İsveçin Çeçen əsilli qarışıq döyüş ustası (MMA) Hamzat Çimayev irlandiyalı həmkarı Konor Makqreqora müraciət edib.


O, irlandiyalının oktaqona qayıtmazdan əvvəl onunla və britaniyalı döyüşçü Darren Tilllə sparinq etməyə dəvət edib. “Konor, geri qayıtmaq istəsən, kömək edəcəyik. Səni düşərgəmizdə gözləyirik”, - deyə Çimayev “Twitter”də yazıb.

Martın 16-da “Ultimate Fighting Championship”in (UFC) rəhbəri Deyna Uayt Makqreqorun oktaqona qayıtma vaxtını açıqlayıb. O, bildirib ki, zədədən sonra sağalma qaydasında gedərsə, irlandiyalıya məşq etməyə icazə veriləcək. Bu vəziyyətdə döyüş payızın əvvəlində keçirilə bilər.

Çimayev MMA-da bir dəfə də olsun məğlubiyyətə uğramayıb. Onun UFC-də dörd qələbəsi var. Ümumilikdə idmançının on döyüşdə on qələbəsi var. Çimayev müxtəlif çəki dərəcələrində döyüşməyə hazır olduğunu bildirərək dəfələrlə Makqreqoru döyüşə çağırıb.

Mənbə: Lenta.ru