Hindistanın Çennay şəhərində keçirilən Ümumdünya Şahmat Olimpiadasında bu gün IV turun görüşləri keçiriləcək.

"Report"un məlumatına görə, Azərbaycanın kişilərdən ibarət yığması Türkiyə, qadın millisi isə İsraillə qarşılaşacaq.

Türkiyə – Azərbaycan

Mustafa Yılmaz – Şəhriyar Məmmədyarov

Əmrə Can – Rauf Məmmədov

Vahap Sanal – Qədir Hüseynov

Cəmil Can Ali Marandi – Vasif Durarbəyli

İsrail – Azərbaycan

Marsel Yefroimski – Günay Məmmədzadə

Dina Belenkaya – Xanım Balacayeva

Maşa Klinova – Gövhər Beydullayeva

Mixal Lahav – Ülviyyə Fətəliyeva

Qeyd edək ki, Azərbaycanın hər iki komandası ilk 3 turda rəqiblərini məğlub edib. Kişilər Əlcəzairi 4:0, Filippini və Argentinanı 3:1, qadınlar isə BƏƏ-ni və Finlandiyanı 4:0, Yunanıstanı 2,5:1,5 hesabı ilə yenib. Hazırda onlar 6 xalla müvafiq olaraq, 13-cü və 7-cidirlər.