“Barselona”nın baş məşqçisi Xavi bəzi oyunçuları nömrədən məhrum etməyə hazırlaşır. O, hazırda 33 futbolçu ilə işləyir. La Liqa matçlarına isə cəmi 25 oyunçu qeydiyyatdan keçə bilər. Beləliklə, “Barselona” “Çelsi”dən Sezar Aspilikueta və Markos Alonsonu transfer olacağı təqdirdə daha da kəskinləşəcək sıxlıq problemi ilə üzləşib.

Qeyd edək ki, may ayında kataloniyalıların baş məşqçisi etibar etmədiyi oyunçuların siyahısını açıqlayıb. Bunlardan yalnız “Tottenhem”ə icarəyə verilən Klement Lenqlet, “Los Anceles Qalaksi”yə transfer olunmağa yaxın olan Rik Puçe və “Selta”ya keçən Oskar Mingesa klubdan ayrılmağa razılıq verib.

Digər işəgötürənlər futbolçuların Kataloniya klubunda aldıqları maaşı təkrarlamağa hazır olmadığından, qalan oyunçular “Barselona”da qalmaq qərarına gəliblər.

“Barselona” da klubu tərk etmək istəməyən futbolçulara xəbərdarlıq edib ki, qalacaqları təqdirdə nömrələrdən məhrum ediləcəklər.

Bundan əlavə, klubun iqtisadiyyat departamentinin tələbi ilə “Barsa” təcili olaraq maaş fondunu 160 milyon avro (560 milyondan 400 milyon avroya) azaltmalıdır.

Mənbə: Sports.ru