Albaniyada yerli "Eqnatiya" klubunun futbolçusu, qanalı 28 yaşlı Rafael Dvamena ölkə çempionatının oyunu zamanı dünyasını dəyişib.

Publika.az xəbər verir ki, bu barədə Qana Futbol Assosiasiyası məlumat yayıb.

Faciə şənbə günü baş verib. Dvamena komandanın heyətində "Partizani" ilə qarşılaşıb. Matçın 24-cü dəqiqəsində huşunu itirib. Həkimlər onun yanına gəliblər, məlum olub ki, idmançı infarkt keçirib. Xəstəxanaya aparılsa da, orada ona kömək edə bilməyiblər, futbolçu dünyasını dəyişib.

Dvamena 2023-cü il yanvarın 1-dən "Eqnatiya"da çıxış edir. Bundan əvvəl o, Avstriyanın Sürix şəhərində və bir sıra başqa klublarda çıxış etməyi bacarıb.

O, Qana millisində də çıxış edib və onun heyətində iki qol vurub.