Sabiq azərbaycanlı futbolçu, karyerasının başa vurandan sonra Futbolun İnkişaf Fondunda çalışan Nicat Qurbanov Azərbaycanı tərk edib.
Bizim.media xəbər verir ki, Qurbanov ailəsi ilə birgə ABŞ-yə yollanıb.

O, hazırda Pensilvaniya ştatının Pittsburq şəhərində məskunlaşıb.

Nicatın məqsədi okeanın o biri tayında futbol karyerasında yeni səhifə açmaqdır. Ölkəmizin U-17 və U-19 millilərinin sabiq üzvü, məşqçilər üçün nəzərdə tutulan C kateqoriyasına sahib olan N.Qurbanov ABŞ-də məşqçiliyə başlamaq niyyətindədir.

Ötənlərin sürətli vingeri ilk addımlarını uşaq futbolunda atmağı hədəfləyib. Daha sonra uşaq futbol məktəbi təsis etmək barədə düşünəcək.