“İnter”in aparıcı oyunçularından sayılan Hakan Çalhanoğlu bir müddət oynaya bilməyəcək.

İtaliya klubunun rəsmi saytının xəbərinə görə, onun sağ bud əzələsində zədə aşkarlanıb. Bu səbəbdən A seriyasının “Leççe” ilə matçını ehtiyat oyunçular skamyasında keçirən türkiyəli yarımmüdafiəçi daha 2 oyunu buraxmalı olacaq. Başqa sözlə, Hakan A seriyasında fevralın 28-də “Atalanta”, martın 4-də isə “Cenoa” ilə keçiriləcək matçlarda oynamayacaq.

Çalhanoğlu bu mövsüm bütün turnirlərdə meydana çıxdığı 30 matçda 11 qol vurub və 3 məhsuldar ötürmə edib.