Futbol dünyasına etdiyi sərmayələrlə tez-tez adından söz etdirən Acun Ilıcalı bu dəfə UEFA prezidenti Aleksander Çeferinlə görüşüb.

AZXEBER.COM xarici mətbuata istinadən xəbər verir ki, Sloveniyanın paytaxtı Lyublyanada baş tutan görüşlə bağlı təəccüblü iddia irəli sürülüb. Bildirilib ki, tanınmış iş adamı \"PrvaLiga\"da \"Olimpiya Lyublyana\" ilə maraqlanır.

Görüşdən sonra sosial şəbəkə hesabında fotolarını paylaşan Ilıcalı bunları yazıb: \"UEFA-nın dəyərli prezidenti cənab Ceferinə qonaqpərvərliyinə görə təşəkkür edirəm. Futbolla dolu çox gözəl söhbət oldu\".

Məşhur prodüser Acun Ilıcalı əvvəlcə \"Hall Siti”ni, daha sonra İrlandiya Premyer Liqa komandalarından \"Şelburnu” alıb.

\"Hall Siti\" hazırda Premyer Liqaya yüksəlmək üçün mübarizə aparır.