“Qarabağ”ın baş məşqçisi Qurban Qurbanov komandanın qapıçısı Andrey Lunyov haqda danışıb.

Misli Premyer Liqasının 29-cu turunda “Səbail”lə matçdan sonra keçirilən mətbuat konfransında rusiyalı qolkiperin meneceri Anton Smirnovun “RB Sport”a verdiyi qalmaqallı müsahibəsi ilə bağlı deyib:

“Bəzən bir insan fikir bildirəndə emosiyalarını saxlaya bilmir, sərt danışır. Mən buna fikir vermirəm. Lunyovla bağlı böyüdüləsi bir şey yoxdur. Bizimlə müqaviləsi var. Müəyyən danışıqlar olub. Son günlərdəki yazılara uyğun heç nə yoxdur. Hər şey qaydasındadır”.