“Atletiko”nun prezidenti Enriko Serezo icarə əsasında “Barselona”nda çıxış edən portuqaliyalı hücumçu Joao Feliks haqda danışıb.

Referans.az xəbər verir ki, prezident Feliksin Kataloniya klubunda qalmaq istədiyini bildirib.

“Joao Feliks “Barselona”da qalmaq istəyir, bu normaldır. “Barselona” onu istəyir və o, orada olmaq istəyir. O, topla əla oynayan futbolçudur. Komandaya yaxşı uyğunlaşır. “Atletiko”nun bu mərhələdə onun üçün pul baxımından nə qədər qazana biləcəyini isə bilmirəm”, – prezident deyib.

Bu mövsüm Joao Feliks bütün turnirlərdə 35 oyun keçirib, 9 qol vurub və 6 məhsuldar ötürmə edib. Transfermarkt portalı onun dəyərini 30 milyon avro qiymətləndirir. /publika.az