“Napoli”nin prezidenti Aurelio De Laurentis Neapolitan klubunun cinah oyunçusu Xviça Kvaratsxeliya ilə yalnız 120-130 milyon avro qarşılığında ayrılmağa hazır olduğunu bildirib.

Qeyd olunur ki, De Laurentis gürcü futbolçunun “Napoli”dən getməsini istəmədiyi üçün ona belə yüksək qiymət qoyub. Eyni zamanda, hazırda Kvaratsxeliya ilə “Barselona və “Pari Sen-Jermen” də maraqlanır.

Xatırladaq ki, bu mövsüm Kvaratsxeliya bütün turnirlərdə 42 matçda iştirak edib, 10 qol vurub və 9 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Məlumata görə, futbolçunun bazar dəyəri 80 milyon avrodur.
Mənbə: Corriere dello Sport