2024-cü il Paris Olimpiya Oyunlarında cinsiyyətinə görə mübahisə doğuran əlcəzairli boksçu İmane Xelifə qarşı rinqi tərk edən italiyalı Anjela Karini rəqibindən üzr istəyib.

İtaliyanın geniş tirajlı idman qəzetlərindən biri olan “La Gazzetta dello Sport”a danışan Carini, Əlcəzairli idmançı ilə bağlı cinsiyyət mübahisələrinə görə kədərləndiyini bildirib.

Rəqibi üçün təəssüfləndiyini vurğulayan Karini deyib: “Beynəlxalq Olimpiya Komitəsi döyüşə biləcəyini deyibsə, bu qərara hörmətlə yanaşıram. Bunu etmək niyyətində deyildim. Əslində, ondan və hər kəsdən üzr istəmək istəyirəm. Qəzəbləndim, çünki olimpiya yolum yarıda qaldı. Əslində, onunla yenidən görüşsəm onu qucaqlayaram”.

Qeyd edək ki, qadınlar arasında 66 kq çəki dərəcəsində 16-cı raundda mübarizə aparan Carini Xelifdən ilk yumruğu aldıqdan sonra 46-cı saniyədə rinqdən geri çəkildi.

Beynəlxalq Boks Assosiasiyası (IBA) tərəfindən 2023-cü il dünya çempionatında qadınların yarışında iştirak etmək üçün uyğunluq kriteriyalarına cavab vermədiyi” səbəbi ilə diskvalifikasiya edilən əlcəzairli idmançının cinsi ilə bağlı müzakirələr gündəm olub.

Bu arada Beynəlxalq Olimpiya Komitəsi (BOK) ABB-nin Xelifi oyunlardan kənarlaşdırmaq tələbini rədd edib.