İtaliya Kubokunun 1/8 final mərhələsinin "Latsio" və "Napoli" komandalarının qarşılaşdığı oyun başa çatıb.

Oxu.Az xəbər verir ki, matç Romadakı (İtaliya) "Olimpiko" stadionunda baş tutub. Görüşdə "Latsio" 3:1 hesabı ilə qalib gəlib.

21-ci dəqiqədə "Latsio"nun futbolçusu Mattia Dzakkani penaltini dəqiq yerinə yetirə bilməyib. 32-ci dəqiqədə "Latsio"nun hücumçusu Teyyanni Noslin qola imza atıb. 36-cı dəqiqədə "Napoli"nin hücumçusu Covanni Simeone hesabı bərabərləşdirib. 41-ci dəqiqədə Noslin Pedro Rodriqesin ötürməsindən dubl edib. 50-ci dəqiqədə Noslin oyunda üçüncü qolunu vurub.

Qeyd edək ki, turnir kubokunun hazırkı sahibi finalda "Atalanta"ya 1:0 hesabı ilə qalib gələn "Yuventus"dur.