Sabah Dünya kubokunun finallarına əsl döyüşə çıxan kimi çıxacağıq.
Gununsesi.info xəbər verir ki, bunu Trend-ə batut gimnastikası üzrə Azərbaycan milli komandasının baş məşqçisi Vladimir Şulikin deyib.
O, bildirib ki, ilk günün nəticələrini pis qiymətləndirmir:
“Hesab edirəm ki, idmançılar nəyə qadir olduqlarını göstərib. Mümkün olan 4 finaldan 3-nə vəsiqə qazanmaq normaldır. Onların yarışlar qabağı gördüyü işlərə və hazırlığa görə, yaxşı formada olanlar gözlənilən nəticəni göstərdilər”.
O qeyd edib ki, sabahkı gün üçün heç bir proqnoz verməyəcək:
“Finalda gözlənilməz şeylər baş verə bilər. Sabah geriyə yol yoxdur, maksimum gücümüzlə işləyəcəyik və finallara əsl döyüşə getdiyimiz kimi gedəcəyik”.