Futbol üzrə Çempionlar Liqasında (ÇL) yarımfinal mərhələsinin ilk oyunu keçirilib.
"Report"un məlumatına görə, İspaniya paytaxtında Madrid şəhərinin iki klubu - "Real" və "Atletiko" komandaları üz-üzə gəlib.
"Santyaqo Bernabeu" stadionunda təşkil olunmuş qarşılaşma meydan sahiblərinin böyükhesablı qələbəsi ilə yekunlaşıb - 3:0. Hər 3 qolu Kriştianu Ronaldu vurub və bununla da, ÇL-in "play-off" mərhələlərində 50 qol həddini keçən (52 qol) ilk futbolçu olub.
Beləliklə, bu komandalar arasında ardıcıl 4-cü mövsüm ÇL-də baş tutan qarşılaşmada "Kral klubu" meydanı qələbə ilə tərk edib. "Real" ilə "Atletiko" bunadək 2013-2014 və 2015-2016 mövsümlərində ÇL-in finalında, 2014-2015 mövsümündə isə 1/4 finalda üz-üzə gəliblər. Hər üç halda "Real Madrid" qələbəyə nail olub.
Çempionlar Liqası, 1/2, ilk oyun
22:45. "Real Madrid" (İspaniya) - "Atletiko" (İspaniya) - 2:0
Qollar: Kriştianu Ronaldu, 10; 73; 86
Baş hakim: Martin Atkinson (İngiltərə)
"Santyaqo Bernabeu" stadionu
Digər yarımfinal görüşü mayın 3-də "Monako" (Fransa) ilə "Yuventus" (İtaliya) arasında keçiriləcək.