UEFA Çempionlar Liqasının qrup mərhələsi çərçivəsində Azərbaycan çempionu “Qarabağ” səfərdə “Roma” (İtaliya) ilə keçirəcəyi oyununun hakimləri bəlli olub.

Ağdam təmsilçisinin bu mərhələdə sonuncu matçını almaniyalı hakimlər briqadası idarə edəcəklər.

Görüşün baş hakimi Tobias Stilier olacaq. Ona yan xəttdə Mayk Pikel və Yan Seydel kömək edəcəklər. Əlavə köməkçi hakimlər isə Bastian Dankert və Harm Osmers olacaqlar. Matçın ehtiyat hakimi Kristian Cittelmann təyin olunub.

Qeyd edək ki, sözügedən qarşılaşma dekabrın 5-də keçiriləcək və saat 23:45-də start götürəcək.