Cənubi Koreyanın Pxençan şəhərində 9 fevralda başlayacaq Qış Olimpiya Oyunlarında Şimali Koreyanın iştirakının detallarına dair görüşlər davam edir. 10 gün ərzində hər iki ölkə nümayəndələrinin 3-cü görüşündə nəticəyə gəlinib. Son razılaşmaya əsasən, Şimali Koreya Qış Olimpiya Oyunlarına 230 nəfərlik ponpon qız* heyəti göndərməyi və nümayəndə heyətinin quru yolla Cənubi Koreyaya daxil olmasını təmin etməyi, eyni zamanda martda keçiriləcək paralimpiya oyunlarına da heyət yollamağı təklif edib. Cənubi Koreyanın Birləşdirmə Nazirliyindən verilən açıqlamada oyunlarda Şimali Koreyanın taekvondo şou heyətinin də iştirak etməsinin müzakirə olunduğu qeyd olunub. *Ponpon qız - idman tədbirindən öncə səhnəyə gələn və tamaşaçıları əyləndirmək üçün şou göstərən gənc qız.