Madridin “Real” klubu futbol üzrə İspaniya çempionatının 37-ci turunda “Selta Viqo”nu böyük hesabla məğlub edib.

Teleqraf.com xəbər verir ki, şənbə günü Madriddə keçirilən qarşılaşma meydan sahiblərinin 6:0 hesablı qələbəsi ilə başa çatıb. Qolları rəqib qapısından Qaret Beyl (13-cü və 30-cu dəqiqələr), İsko (32-ci dəqiqə), Əşrəf Hakimi (52-ci dəqiqə), Serxi Qomes (74-cü dəqiqə, penalti) və Toni Kross (81-ci dəqiqə) keçiriblər.

Beləliklə, çempionatın sonuna bir tur qalmış 75 xal toplayan “Real” turnir cədvəlində üçüncü yeri təmin edib. “Barselona” 90 xalla birinci (36 oyun), Madridin “Atletiko” komandası isə 78 xalla ikinci yerdədir.