Belarusda gənc futbolcuları daşıyan mikroavtobus qəzaya düşüb, ölən və yaralananlar var
14-05-2018, 08:59
Belarusda 16 yaşadək futbolçulardan ibarət Ukrayna yığma komandasını daşıyan avtobus qəzaya düşüb.
APA-nın BELTA agentliyinə istinadən verdiyi xəbərə görə, hadisə Kamenetsk rayonunun Martınyuki kəndi ərazisində qeydə alınıb.
Gənc futbolçuları daşıyan “Reno” markalı mikroavtobus traktorla toqquşub. Qəza nəticəsində 2005-ci il təvəllüdlü yeniyetmə ölüb, daha 6-sı xəsarət alaraq xəstəxanaya yerləşdirilib. Yaralılardan birinin vəziyyəti ağır kimi qiymətləndirilir.
Hadisənin səbəbləri barədə hələ ki, məlumat verilmir.
