Türkiyə millisinin və “Fənərbağça”nın sabiq hücumçusu Semiş Şəntürk futbolçu karyerasını başa vurub.

Qol.az-ın xəbərinə görə, bu barədə 35 yaşlı futbolçu özü yerli mətbuata məlumat verib.

Qeyd edək ki, son olaraq “Əskişəhərspor”da çıxış edən Semih peşəkar karyerasına “Fənərbağça”da başlayıb. O, 1999-2013-cü illərdə İstanbul klubunda oynayıb. Bundan başqa, S.Şəntürk “İzmirspor”, “Antalyaspor” və “Başakşəhər” kimi klublarda da çıxış edib. Türkiyə millisində isə 28 oyuna 9 qol vurub.