“Taliban” hərəkatının Qəndəhar şəhər aeroportuna hücumu zamanı ən az 18 nəfərin öldüyü bildirilir.

Avropa.info xəbər verir ki, aeroport əfqan ordusu, həmçinin ABŞ və NATO qüvvələri tərəfindən istifadə olunur. Binalardan birini tutan taliblər əfqan ordusu ilə atışmağa başlayıblar. Aeroportdan bir az aralı partlayış törədilib.

Yerli hakimiyyətin verdiyi məlumata görə, döyüş zamanı 9 silahlı öldürülüb.

Taliblərin məqsədi hərbi aeroportun ərazisində yerləşən hərbi bazanın binalarını ələ keçirməkmiş. Onların 6 nəfəri əsir götürdüyü bildirilir.