Meksikanın şimal-şərqindəki Nuevo-Leon ştatında yük qatarı avtomobillə toqquşub.

APA “TASS”-a istinadən xəbər verir ki, bu barədə yerli “Televisa” telekanalı məlumat yayıb.

Məlumata görə, avtoqəza zamanı 3 nəfər ölüb, onların eyni ailənin üzvləri olduğu deyilir.

Polis hadisənin səbəblərini araşdırır.

Bildirilir ki, avtomobilin sürücüsü qatar gələnə qədər dəmir yolu keçidini keçmək istəyib, ancaq imkan edə bilməyib. Toqquşmadan sonra qatar avtomobili təxminən 200 metr sürüyüb.