Argentinada 69 yaşlı adam xəstəxanaya yerləşdirildikdən qısa müddət sonra həyatını itirb. Ölən şəxsin yaxınları cənazənin yandırılacağını öyrənəndikdən sonra onu morqdan qaçırıb.

Moderator.az xəbər verir ki, Tartagal şəhrində yaşayan Ramon Cuarez adlı adam ailəsi tərəfindən xəstəxanaya yerləşdirilib. Xəstəxanada həyatını itirən adamın koronavirusdan öldüyü ortaya çıxınca cəsəd yandırılmaq üçün morqa aparılıb.

Cəsədin yandırılacağını öyrənən 20 nəfərlik qrup xəstəxananın morquna hücum edərək adamın cəsədini qaçırıb. Barələrində istintaq başladılan ailə üzvləri yaxınlarının koronavirusdan yox, ürək tutması nəticəsində öldüyünü, bu səbəblə də yandırılmaq yerinə normal bir şəkildə dəfn olunması üçün bu yola əl atdıqlarını bildirib.