Hindistanda koronavirusdan ölənlər elə küçələrdə qalıb. Kremasiya mərkəzləri 24 saat işləsə də, cəsədlərin say çoxluğuna görə işin öhdəsindən gələ bilmirlər.

"RİA Novosti"nin məlumatına görə, ölkədə 401 993 yoluxma ilə sutkalıq yeni antirekord qeydə alınıb. Bundan başqa gün ərzində 3 523 nəfər vəfat edib, bu pandemiya başlayandan bəri ən yüksək göstəricidir.

Beləliklə, artıq 10-cu gündür ki, yeni yoluxanların sayı 300 mini keçir.

Qeyd edək ki, Hindistan yoluxma sayına görə dünyada ölkələr arasında ikinci yerdədir. Belə ki, ölkədə bu günə qədər 19,1 milyon insan yoluxub, 211 mindən artıq insan isə həyatını itirib.(oxu.az)