Gürcüstanda ictimai nəqliyyatın fəaliyyəti yenidən bərpa edilir
13-05-2021, 08:02
Gürcüstanın bütün şəhərlərində ictimai nəqliyyat cümə axşamı günündən etibarən yenidən işləyəcək.
APA TASS-a istinadən xəbər verir ki, bu barədə Operativ Qqərargahın rəhbəri Georgi Gibradze bildirib.
O qeyd edib ki, digər məhdudiyyətlər olduğu kimi qalır - sərnişinlər maskasız nəqliyyat vasitələrinə buraxılmayacaq.
Qeyd edək ki, koronavirusla mübarizəni gücləndirmək tədbirləri çərçivəsində Gürcüstanda avtobusların, metro və sabit marşrut taksilərinin hərəkəti mayın 3-dən etibarən dayandırılmışdı.
