Xəbər verdiyimiz kimi, Azərbaycan Ordusu Laçında erməni hərbçilərinin postunu ələ keçirib və onları ərazidən çıxarıb. Eyni vəziyyət bir neçə gün öncə Qaragöl ətrafında da baş verib.

Bizim.Media xəbər verir ki, Telegram kanalları həmin insident zamanı ermənilərin Qaragöldə atıb qaçdıqları UAZ avtomobilinin görüntülərini yayıb.

Qeyd edək ki, ermənilər Qaragöl ətrafında Azərbaycan ordusuna məxsus iki postun arasında yerləşməyə cəhd göstəriblər.

Hərbçilərimizin sayıqlığı nəticəsində onlar zərərsizləşdirilib və rus sülhməramlılarının xahişi ilə geri qaytarılıb.